कवितेसाठी कविता: बीजेचा चंद्र

सोमवार, २४ एप्रिल, २०२३

**********

तुझिया बीजेची दिसे चंद्रकोर

आनंद मोहर मन झाले ॥१

इवलीशी रेखा जणू भाळावर

कोणी तालेवार मिरवती ॥२

तैसे ते आकाश प्रोढीने भरले

शुक्र विसरले भरजरी ॥३

पश्चिमेची गाणी आली कानावर

दूर रेतीवर उमटली ॥४

कुठे उगवली कुठे पेरलेली

श्रद्धा थरारली मनातली ॥५

पाहता पाहता देखावा सरला

आभास मिटला विलक्षण ॥६

🌾🌾🌾

https://kavitesathikavita.blogspot.com

☘☘☘☘☘☘

कवितेसाठी कविता