****
फुटलीच काच अंती
फुटणार बघ होती विझलीच बघ अंती
विझणार आग होती
हा खेळ चाललेला
घडण्या नि मोडण्याचा
असे अंतहीन किंवा
एकाच अरे क्षणाचा
घडणे हे मोडणेच
मोडे तेही अखंडीत
भ्रम दाटले मनात
उगा वाहती जगात
बाप दत्त असे स्पष्ट
भरला कणाकणात
वेड कुठल्या खुळ्याच
शोधे ब्रह्म आरशात
क्षण पुसे काळ होई
दिसतात लक्ष युग
विक्रांते जाणली मेख
हरपले सारे जग
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
कोणत्याही टिप्पण्‍या नाहीत:
टिप्पणी पोस्ट करा