प्रित दे .
*****::
तूच असतोच साक्षी
या मनाच्या आकाशात
तव स्मरणांची पक्षी
सदा असावे म्हणतो
तुझी सावली ओढून
उरातील घाव माझ्या
तुझ्या हाती सोपवून
तूं न भेटता तर हे
जाते जहाज बुडून
शब्दांना अस्तित्वाला
मीच जातो विसरून
दयाघना सांभाळले
तुवा भेटल्या वाचून
परी हट्ट सरले ना
एकवार जा भेटून
बाकी सारे तर आहे
बरे चालले अजून
बस प्रित दे विक्रांता
तुझ्यात जाण्या रंगून
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
कोणत्याही टिप्पण्या नाहीत:
टिप्पणी पोस्ट करा