तुझे कैवल्याचे देणे
*******************
तुझे कैवल्याचे देणे
माझ्या मनी उगवले
मन इवले इवले
सारे नभाकार झाले
माझे मावुली प्रेमळ
किती आबाद तू केले
शब्द हिरे मोती सोने
राज्य पृथ्वी मोल दिले
केला जन्मांचा उद्धार
किती कौतुक मांडले
ऋण सरले वाचेचे
तुवा जवळी घेतले
बाळ नेणताच होतो
खेळ संसारी रमला
हाक मारूनी प्रेमाने
अर्थ सारा दाखवला
तुझ्या प्रेमे जीवलगा
खेळ जन्मची हा झाला
ऐसा आनंद आनंद
काळा गिळुनि बैसला
इथे नांदतो विक्रांत
देह कारणे केवळ
आत शब्द ज्ञानदेव
चाले प्रेमाचा कल्लोळ
http://kavitesathikavita.blogspot.in
कोणत्याही टिप्पण्‍या नाहीत:
टिप्पणी पोस्ट करा