दत्ता राहू दे रे जाग

दत्ता राहू दे रे जाग
***************

काळ्या काळ्या अंधारात
फणा धरलेला नाग
हातातल्या दिव्याला या
दत्ता राहू दे रे जाग     
 .

इवलेच तेल आहे
इवलीच आहे वात
धडाडून विझू पाहे
सावर दे तुझा हात 
 .

पायाखाली विंचू काटे
वाट मुळी नच दिसे
देई साद अवधूता
बोलाव रे तुझ्या दिशे
 .

घरदार सोडूनिया
बेभान मी निघाले रे
लोकलाज मानपान
चिंता नाही मजला रे 
 .

तुझ्या भेटी आधी पण
सरू नये तेल बाकी
काळोखाचा जय इथे
होऊ नये कधीच की
 .

 © डॉ.विक्रांत प्रभाकर तिकोणे
http://kavitesathikavita.blogspot.in