सोमवार, १० फेब्रुवारी, २०२०

स्वामींचा



 स्वामींचा 
********
तुच तू दयाळा
कृपा अवतारा
चैतन्य सागरा
स्वामी राया

ज्ञान सागरीचे
मोती तू शोधून
आणिले वेचून
 आम्हासाठी

आमच्यासाठी तू
किती शिणलास
प्रसाद   दिलास
बहू प्रेमी

लंघणे पर्वत
हिंडणे जंगले
गिरी नि कंदरे 
जयासाठी 

केल्याविन सारे 
हाती दिले भोजे 
त्वा स्वानंद राजे
केले देवा

कैसे होवू तुज
आता उतराई
ओवाळू कायाही
तुजवरी

विक्रांत धाकुला
हट्टाने अडला
स्वामींनी घेतला
कडेवरी

कोणत्याही टिप्पण्‍या नाहीत:

टिप्पणी पोस्ट करा

पुत्रशोक

पुत्रशोक  ( डॉ. हरेश मंगलानी सरांच्या मुलाच्या, डॉ. रौनकच्या आकस्मक निधनाने उमटलेली  व्यथा) ******* मुलाचे पार्थिव खांद्यावर वाह...