मागावे कुणाकडे
*************
मागावे कुणाकडे काय आणि कसे
थेंब टपोऱ्या दवावरून चालावे कसे
मागणे बहु मनी जरी असे दाटलेले
ओठांच्या पाकळीत मौनगंध साठलेले
मागणारे हात जरी थरथर बुजणारे
ठाव नच असेल का ते फुलांनी भरलेले
मागु हात हातामध्ये सोडुनीया लोकलाज
पाहू किंवा दुरूनच तया दारी होत सांज
मागण्याचा आर्तभाव कळेल का कुणाला
तनी मनी दाटलेला आवेग हा अर्पणातला
बंध हे जीवनाचे घातलेले जीवनाने
सूर-ताल मुक्त माझे कोण ऐकेल रे गाणे
डॉ.विक्रांत प्रभाकर तिकोणे
http://kavitesathikavita.blogspot.in
कोणत्याही टिप्पण्‍या नाहीत:
टिप्पणी पोस्ट करा