खरे होते

खरे होते

*****

शब्द खरे होते

सूर खरे होते

परि यार माझ्या

कानी दडे होते ॥

रूप खरे होते

रंग खरे होते

परि डोळे स्वप्नी

अंध बंद होते ॥

चित्र खरे होते

विश्व खरे होते

कागद मनाचे

जळलेले होते ॥

श्वास उरी होते

हात करी होते

भीतीच्या सावली

जन्म दुरी होते ॥

देव खरे होते

गुरू खरे होते

जर तर वैरी

भाऊबंद होते ॥

चंद्र खरा होता

शीत खरे होते

विक्रांता काय रे

जळत ते होते॥

**

डॉ.विक्रांत प्रभाकर तिकोणे

https://kaviteshahikavita.blogspot.com