सुख दे रे दत्तात्रेया

सुख दे रे दत्तात्रेया

*************

सुख दे रे दत्तात्रेया

दुःख ने रे दत्तात्रेया

का मी शिणतोय येथे

कळू दे रे दत्तात्रेया ॥

जाणिवा या चिरेबंदी

दाटल्या आहेत गात्रा

मन ‌क्षुब्ध पिंजऱ्यात

शांत करी दत्तात्रेया ॥

पराधीन जगण्यात

फरपटत आहे दत्ता

प्रकाशाचा कवडसा

दिसू दे रे दत्तात्रया ॥

दुज्या हाती शोधतांना

सुख जाहले वाणवा

पदी तुझ्या ठेवी मज

स्थिर चित्ते दत्तात्रेया ॥

डॉ.विक्रांत प्रभाकर तिकोणे

https://kavitesathikavita.blogspot.com