तुझ्या दारी आलो
*******************
चैतन्याच्या शोधात मी
पुन्हा तुझ्या दारी आलो
प्रेमाचा पाईक होत
शब्द उधळीत गेलो
सारे देणे असून ही
हात तुझे थांबलेले
सारे घेणे असूनही
हात माझे बांधलेले
येणे माझे व्यर्थ नच
तुझे ते बोलावणेही
अप्राप्यचि क्षण होते
खरेच रे ते मलाही
देई पुन्हा कधीतरी
एकरुपता ती सारी
चांदण्याचा देह होवो
येताच मी तुझ्या दारी
असो सदा विक्रांत हा
बघ वेडा तुझ्यासाठी
डोळीयांत तयाच्या त्या
सदा जळो प्रेमवाती
१६ .२.२०२०
कोणत्याही टिप्पण्‍या नाहीत:
टिप्पणी पोस्ट करा