मंगळवार, २६ नोव्हेंबर, २०१९

देई सानपणा


***
देई बा श्री दत्ता 
मज सानपण
ठेवी पांघरून 
नगण्यत्व .
देई साधू संग 
देई भक्तजन 
त्यात मिसळून 
राहू दे रे 
करू नको दत्ता 
आगळा वेगळा 
हाती घेतलेला 
राजदंड 
करू नको स्वामी 
अज्ञानी जनाचा 
जयाला देहाचा 
सोस फक्त 
उडो आभाळात 
मनाचे पाखरू 
निळ्या गहिवरू 
सदा राहो  
विक्रांत कृपेचा 
मागे तव हात 
वाढी अहं ज्यात 
नको ते रे



© डॉ.विक्रांत प्रभाकर तिकोणे
http://kavitesathikavita.blogspot.in
**

कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळीया मधले  स्वप्नास लंघुनी स्वप्न हे उरले ॥१ नभात लक्ष दीप उजळले  अन चांदण्याचे तोरण जाहल...