उधारी
*******
दत्ता जीवनाचे
कर काहीतरी
अवघी उधारी
मिटव रे
कधीची ही किती
मज ना माहिती
नको चक्रवाढी
गुंतवू रे
तसा तर कधी
नव्हतो पुढारा
मिरविता दारा
देवा तुझ्या
पण कधी तरी
असेल पाहिले
चित्ती ठसविले
दासासी या
तसा फार काही
नच उपयोगा
आलो तव योगा
दया घना
म्हणूनिया रुष्ट
होणार तू नाही
खात्री मज ही
आहे पूर्ण
श्रीदत्त माऊली
प्रेमे तू ओतली
विक्रांत जवळी
घेई आता
© डॉ.विक्रांत प्रभाकर तिकोणे
http://kavitesathikavita.blogspot.in
कोणत्याही टिप्पण्‍या नाहीत:
टिप्पणी पोस्ट करा