बुधवार, १३ नोव्हेंबर, २०१९

दत्त प्रकाश



दत्तप्रकाश
 *********
दत्तप्रकाश होऊनी
येई माझ्या अंगणात
दत्त आकाश होऊनी
भरे सुख जीवनात

दत्त स्फुरलेले गाणे
होई माझ्या हृदयात
दत्त आनंदाचे अश्रू
येती डोळा ओघळत

दत्त भजता भजता
जातो सुखाने भरून
मज नकोसे वाटते
काही श्रीदत्ता वाचून

ओढ एकची मनात
डोळा घडावे दर्शन
जरी खाणा खुणा दावी
दत्त जीवा सुखावून

देई सायुज्यता आता
वेड्या विक्रांता श्रीदत्ता
ठेवी ठेवी गुंडाळून
सारी सरलेली गाथा


© डॉ.विक्रांत प्रभाकर तिकोणे
http://kavitesathikavita.blogspot.in

कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळीया मधले  स्वप्नास लंघुनी स्वप्न हे उरले ॥१ नभात लक्ष दीप उजळले  अन चांदण्याचे तोरण जाहल...