***
देहाची फिकीर
आहे रे कोणाला
तुजला वाहिला
दत्तात्रेया॥
जगाची फिकीर
आहे रे कोणाला
तुच भरलेला
दिसे येथे ॥
प्राप्तीची फिकीर
आहे रे कोणाला
प्रेमी आळविला
तूची मस्त ॥
प्रेमाचा आकार
कळे ना कुणाला
मनी दाटलेला
देवा तुच ॥
पाहू जाता सारे
गमे इवलेसे
तव प्रेमा पिसे
भुललो रे ॥
देई तुझे प्रेम
विक्रांता या दत्ता
भक्तीचिया वाटा
नेई बळे ॥
© डॉ.विक्रांत प्रभाकर तिकोणे
http://kavitesathikavita.blogspot.in
**
कोणत्याही टिप्पण्या नाहीत:
टिप्पणी पोस्ट करा