कर्ज दत्तावरी आहे

 कर्ज दत्तावरी 

 

*********

इथेही तूच आहेस

तूच आहेस तिथेही

स्वप्न सत्य वेटाळून 

तुझ्याविना नच काही 

येणे इथे परी माझे 

नच खुशामत आहे 

वेडेपण पांघरणे 

आनंदाचे गीत आहे 

होतातही कष्ट काही 

भोगण्यात मजा आहे 

मिळविणे प्रीती तुझी 

हाच हट्ट माझा आहे 

तुच फक्त अवधूता

जीवनाचा अर्थ आहे 

तुझ्याविना जगणे हे

खरोखर व्यर्थ आहे

रिकामेच हात माझे
उभा दत्त दारी  आहे
पाहतो वाट विक्रांत
कर्ज दत्तावरी आहे

© डॉ.विक्रांत प्रभाकर तिकोणे
http://kavitesathikavita.blogspot.in