भक्त हा चालला
**************
दत्ताच्या गावाला
भक्त हा चालला
जगाच्या डोळ्याला
वेडा हा जाहला
वाटेविना वाटे
हा चालू लागला
अंधारी अंधाराला
नि पाहू लागला
पाहिलेले स्वप्न
खरे मानू लागला
निद्रेत निद्रेला
हा हसू लागला
पथी सोबतीला
न कुणी तयाला
तरी गाव गोळा
करीत चालला
ना इथे थांबला
तो तिथे चालला
भूत भविष्याला
गिळूनी राहिला
© डॉ..विक्रांत प्रभाकर तिकोणे
http://kavitesathikavita.blogspot.in
कोणत्याही टिप्पण्या नाहीत:
टिप्पणी पोस्ट करा