जीवना

जीवना (on my birthday)
*****
पंख लावून काळाचे
स्वप्न तरंगत आहे
जीवना तुझे वाहणे
किती आनंदात आहे ||
भोवताली जमलेला
जिवलगांचा हा मेळा
मैत्री प्रीतीत सजला
ऋतु सुखावत आहे ||
प्रत्येक फुलात येथे
श्वास उमलत आहे
प्रत्येक पक्ष्यास डोळे
पाहता चकित आहे ||
हे आकाश निळे गर्द
मी प्रकाश होत आहे
वाहतोय मुक्त वात
उर्मी वोसंडत आहे ||
जीवना मी ऋणी तुझा
मम स्वामी दत्त आहे
इहपर सुखात मी 
बघ नित्य तृप्त आहे ||

© डॉ..विक्रांत प्रभाकर तिकोणे
http://kavitesathikavita.blogspot.in