गुरुवार, ३१ डिसेंबर, २०१५

दत्ता मजला का तू टाकून गेला रे







दत्ता दत्ता मजला का तू टाकून गेला रे
हृदयी धरले होते तरीही का हरवून गेला रे ||१||

मी तो देवा मूढ भक्तिहीन देही नाडलो रे  
षड्विकार सजून सावरून जगी नाचलो रे ||२||

तू तेजोमणी तुज जवळी नच तमोगुण फिरे  
तुजवीण माझे हारेल दैन्य अन्य कोण बरे ||३||

तू कृपेचा मेघ भगवन मज केवळ भक्ती दे रे  
सतत राहावा स्मरणी तू ऐसी एक युक्ती दे रे ||४||

नाम मागतो तुझे दयाळा मी ध्यान मागतो रे
मन बुद्धी सहित अहंकार हा तुजला वाहतो रे ||५||

विक्रांत प्रभाकर
http://kavitesathikavita.blogspot.in/

कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळीया मधले  स्वप्नास लंघुनी स्वप्न हे उरले ॥१ नभात लक्ष दीप उजळले  अन चांदण्याचे तोरण जाहल...