शनिवार, १२ डिसेंबर, २०१५

माझी ही वही






जगापासून दूर
मौनाच्या गुहेत
आत्ममग्न संत
बसलेले ||

जगण्याचे सूत्र
साधनेचे तंत्र
सुखाचे मंत्र
तया कळले ||

अन इथे कुणी
दुःख वणव्यात  
धावे किंचाळत
दिनरात  ||

लबाड श्वापदे   
टपून बसली
पावलो पावली
त्राही त्राही ||

होतो कधी का
कृपा अपघात
जन्म अकस्मात
उजाडतो ||

फाटल्या देहाचे
जळल्या त्वचेचे
प्राक्तन कुणाचे
वा ठरले ||

कळले कुणास
कळले वा नाही
माझी ही वही
भरू आली ||

विक्रांत प्रभाकर
http://kavitesathikavita.blogspot.in/

कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळीया मधले  स्वप्नास लंघुनी स्वप्न हे उरले ॥१ नभात लक्ष दीप उजळले  अन चांदण्याचे तोरण जाहल...