वेगळाल्या धर्मिकांच्या
वाटा सदा वेगळाल्या
व्यवहारी मैत्री अन
भिंती आत बांधलेल्या
माझ्या देवा नकार हा
नकार मलाच असे
मूलगामी ओळख ही
खरी कळपाची असे
लाख संत लाख पंथ
तरी जग वाटलेले
धनासाठी प्राणासाठी
कुणी कुणा बाटवले
खरा देव जाणावया
कोण इथे पुण्यवान
सालो साल खेळ चाले
व्यर्थ सारे ग्रंथ ज्ञान
एक धर्म जगी व्हावा
स्वप्न वेडी अंधारली
विटंबून प्रेते किती
गावोगावी सांडलेली
कुणालाच नको असे
सत्य खरे धर्मातले
धर्मवेड द्वेष मनी
दुष्ट जाळे पसरले
विक्रांत प्रभाकर
http://kavitesathikavita.blogspot.in/
कोणत्याही टिप्पण्या नाहीत:
टिप्पणी पोस्ट करा