तेजे सिस्टर
*******
माझ्यासाठी तेजे सिस्टर म्हणजे
अतिशय सोपे सरळ व्यक्तिमत्त्व
जेवढ्यास तेवढे बोलणाऱ्या
कमीत कमी बोलणाऱ्या
कामापुरते बोलणाऱ्या
त्यामुळे दिसायला
हे एक सोपे गणित होते
सोडवायला मात्र
मोठे अवघड होते .
आपण बरे की आपले काम बरे
आपले आठ तास
महानगरपालिकेला द्यायचे
नीटपणे कर्तव्य करायचे
पण जास्त खोलात शिरायचे नाही
उगाचच इन्व्हॉल्व व्हायचे नाही
असा एक सहज समंजसपणा
त्यांच्या व्यक्तिमत्त्वामध्ये आहे
थोडक्यात म्हणजे
डोक्याला त्रास करून घ्यायचा नाही
असे हे एक त्यांचे साधे सोपे सूत्र होते
पण कामात कुचराई करायचे नाही
कामासाठी काम असे
एक सरळ धोरण ठेवून
त्यांनी काम केले
आपले अस्तित्व सिद्ध करणे
अधोरेखित करणे
हे बहुतेक लोकांना आवडते
कधी पदाच्या साह्याने
कधी गटांच्या सहाय्याने
कोणी कोणाच्या ओळखीने
लोक आपले महत्त्व मांडू पाहतात
पण त्या वृत्तीचा पूर्ण अभाव
मी तेजे सिस्टरा मध्ये पाहिला .
मिळून मिसळून राहणे
प्रेमाने राहणे
अन् प्रेमाने जगणे
बडेजाव न मिरवणे
हे त्यांचे वैशिष्ट .
कदाचित घार उडे अंतराळी
तिचे लक्ष पिलापाशी
अशीही एक भूमिका त्यामागे असावी
असे मला वाटते
तर अश्या या
एका शांत संयत सोशिक
व्यक्तीमत्वाला हा निरोप आहे .
© डॉ.विक्रांत प्रभाकर तिकोणे
http://kavitesathikavita.blogspot.in
***
ज्ञानदेवा
