बुधवार, ४ सप्टेंबर, २०२४

तळवटी


तळवटी
*******
आता कौतुकाचा पुरला सोहळा 
जीव झाला गोळा तुझ्यामध्ये ॥१

काय आणि कैसे मागावे तुजला 
मागण्या नुरला हेतू काही ॥२

येई मनावर वायूची लहर 
परि ती ही पर जाणवते ॥३

सरला धिवसा काही मी होण्याचा 
अर्थ असण्याचा लहरींना ॥४

अवघा खळाळ पाहतो निराळा 
बुडी घेतलेला तळवटी ॥५

🌾🌾🌾
© डॉ.विक्रांत प्रभाकर तिकोणे 
https://kavitesathikavita.blogspot.com  .
☘☘☘☘ 🕉️ 

कोणत्याही टिप्पण्‍या नाहीत:

टिप्पणी पोस्ट करा

ज्ञानदेवी .

ज्ञानदेवी ******* शब्द सोनियाचे अर्थ मोतीयाचे  भाव अमृताचे काठोकाठ ॥१ स्वप्न भाविकांचे गीत साधकांचे  गुज योगियांचे अद्भुत हे ॥२ ...