तेजोनिधी
********
रूते तनमन संसारात ॥
सुखाची भोंगळ दुःखमयी काया
मिरवतो माया डोईवर ॥
पुरे झाले देवा गळा लागे फास
झाला कासावीस प्राण माझा ॥
कृपेचा दयाळू उभा दीनासाठी
असे काय खोटी कीर्ती तुझी ॥
देई विलक्षण तुझा एक क्षण
करी पेटवण ठिणगीने ॥
अवघे अंधारी जगताचे गाडे
करी उजियडे तेजोनिधी ॥
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा