मोल
*****
शब्द सजलेले सारे आज मिटले विरले
काल पेटलेले दिवे
कुण्या अंधारी बुडाले
कोण लिहितो कशाला
मन कुणाला सांगाया
अर्थ सुटती सरती
भाव जाताच विलया
सारे आधार जगण्या
मी तो आहे रे सांगण्या
चार पदांचा प्रवास
कोण उरतो पाहण्या
किती ओंजळी भरल्या
कुठे किती उधळल्या
मोल थेंबुट्याचे काय
असे सागरा भरल्या
🌾🌾🌾
© डॉ.विक्रांत प्रभाकर तिकोणे
kavitesathikavita.
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा