कोडे
*****
कुणा कळू आले कोडे जीवनाचे नाव सुटण्याचे घेते ना जे ॥१
एक एक बिंदू जोडतो धरतो
तरी निसटतो एक बिंदू ॥२
वरवर सोपे किती हे दिसते
छळची मांडते घेता हाती ॥३
वेळ व्यय होता कळून हे आले
सुटणे ठेवले नाही यात ॥४
दुष्ट खोडकर मांडलेला डाव
साळसुद आव आणुनिया ॥५
कळू आला खेळ व्यर्थ उठाठेव
टाकून या डाव दिला मग ॥६
आता मी पाहतो अडलेले कोडे
हट्टी तरी वेडे चिडलेले ॥७
कळता व्यर्थता सरेल हा खेळ
ज्याची त्याची वेळ ठरलेली ॥८
🌾🌾🌾
© डॉ.विक्रांत प्रभाकर तिकोणे
kavitesathikavita.blog
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा