कवितेसाठी कविता: दीपक

रविवार, २६ मे, २०२४

दीप

******

सांजवता दिन दीप उजळला

दत्ताच्या समोरी हळूच ठेविला ॥१

दीप प्रकाशला गाभारा भरला

तम दाटलेला क्षणी दुरावला ॥२

इवला प्रकाश झाला घरभर

अन पुढे किती गेला दूरवर॥ ३

मग मिटू गेले थकलेले डोळे

शब्दाविन शब्द काही मनी आले ll४

भाग्य या दिव्याचे देई मज देवा

जळत पदाशी मिळावा विसावा ll५

तुझाच अंधार अन हा प्रकाश

परी पेटण्याची मनास या आस ॥६

🌾🌾🌾

https://kavitesathikavita.blogspot.com .

☘☘☘☘ 🕉️

कवितेसाठी कविता