नेई मज

नेई मज

******

दत्ताच्या ही आधी होता जिथे दत्त 

नेई मज तिथं गुरुनाथा ॥१

निर्गुणा नव्हता फुटला अंकुर 

आकारा आकार उमटला ॥२

कारणा कारण कळल्या वाचून 

असे अकारण सारे जिथे ॥३

तया त्या शून्याचा स्फोट होण्याआधी 

कोण कुठे होती कळो मज॥४

असेल धिंवसा मनी हा रे फुका 

जाणणे आणिका खेळ वृथा॥५

विक्रांत तटस्थ उघडून डोळा 

पोहचणे तळा घडेची ना ॥६

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com 

☘☘☘☘☘