क्षमा याचना
**********
कधी निराशेचा आणि कटुतेचा
क्षण अंधाराचा
दाटताच ॥१
मुखा येती उगे शब्द ते वावगे
उसळून वेगे
रागावले ॥२
लागताच वन्हि जाळू घाले रान
विवेक जळून
खाक होय ॥३
नको रागावूस तेव्हा मजवर
दत्त प्रभुवर
कृपा कर ॥४
तू तो दयावंत कृपाळू अनंत
घेई रे पोटात
अपराध ॥५
विक्रांत शरण धरतो चरण
क्षमेचे भूषण
मिरवी गा ॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
कोणत्याही टिप्पण्या नाहीत:
टिप्पणी पोस्ट करा