कवितेसाठी कविता: आरक्षण

शनिवार, १७ सप्टेंबर, २०२२

********

वाट जिची पाहिली मी सदा

ती तूच जरी होतीस

हाय पण किती उशिरा

चुकल्या गाडीने आली होतीस

हात अन हातात कुणाचा

भलताच मिरवत होती

माझेही तसेच काही जरी

वेगळी दुनिया वाटत होती

बरे आता असू देत ग

पुन्हा येऊ नकोस अशी

पुढच्या वाटा पुढची वस्ती

थांब मज साठी जराशी

आणिक तो चालक इथला

बघ असे कुटील विनोदी

देई अर्जी आधीच तयाला

अन घेई आरक्षणाची तसदी

🌾🌾🌾

https://kavitesathikavita.blogspot.com

☘☘☘☘☘

कवितेसाठी कविता