कवितेसाठी कविता: तिला किंवा मला

शनिवार, ३ सप्टेंबर, २०२२

************

तिला किंवा मला जाणे होते कधी

सुटताच गाठी बांधलेल्या

आणि ती जाताच सगळी सजली
स्वप्ने विखुरली वाऱ्यावर

नसून जायचे ये जाणे घडून

हात सोडवून प्रयासाने

दुःखाचा आषाढ आलाच दाटून
आकाश भरून आठवांनी

चाललो त्यातच चिंब गारठून
रडलो बसून मातीमध्ये

तुटण्याचे दुःख पाण्यास देऊन
उरात घेऊन एक शूल

कोण बांधणारा कोण सोडणारा
प्रारब्ध पसारा प्रत्येकाचा

वाहतोय वारा कोसळते पाणी
जातसे वाहुनी कणकण

अनंत जीवन अनंत मरण
पुन्हा येणं जाणं तिला मला

🌾🌾🌾

https://kavitesathikavita.blogspot.com

☘☘☘☘☘..