***********
दत्त माझा भाव
दत्त माझा देव
जीवीचा या जीव
दत्त माझा ॥
दत्त माझा स्वामी
श्रीनृसिंह मुनी
श्रीपाद होवूनी
लीला दावी ॥
दत्त अक्कलकोटी
असे स्वामी रुपी
मज भवतापी
आश्वासितो॥
दत्त दिगंबर
शेगांवी नांदतो
हाकेला धावतो
सदोदित ॥
शंकर माणीक
अन टेंबे स्वामी
दत्तची होवूनी
ह्रदयात॥
धन्य अवतार
जितुके प्रभूचे
मज प्रिय साचे
तितुकेही॥
विक्रांत तयांच्या
दासांचाही दास
पावुलांची आस
मनी वाही॥
******
© डॉ.विक्रांत प्रभाकर तिकोणे
https://kavitesathikavita.blogspot.com
**********
कोणत्याही टिप्पण्या नाहीत:
टिप्पणी पोस्ट करा