शनिवार, २० मार्च, २०२१

दत्त चरणी


दत्त चरणी
*******
एका दत्ताविन
उगा कुठे जावे
व्यर्थ ते धावावे
अंधारात ॥

दत्ताच्या चरणी
करताच वस्ती
आशिष लाभती 
शब्दातीत ॥

कर्तव्याचे पाश 
राहती म्हणून
ठेविती थांबून
जगतात ॥

अन्यथा संपते
सारी आटाआटी 
बांधणार्‍या गाठी 
सुटोनिया॥

मग ते राहणे
संचिताच्या खेळी
स्थळ काळ मेळी
विणलेल्या ॥

विक्रांत रमला 
दत्ताच्या सुखात
चालला वाहत
तया इच्छे ॥

*****

© डॉ.विक्रांत प्रभाकर तिकोणे 
https://kavitesathikavita.blogspot.com 
**********

कोणत्याही टिप्पण्‍या नाहीत:

टिप्पणी पोस्ट करा

न्याय

न्याय ****** तीच न्याय संस्था फाशी सुनावते  तीच न्याय संस्था निर्दोषही ठरवते  व्यक्ती तीच असते  आरोपही तेच असतात  सुनावनी तशीच ह...