दृढ धरियला
*********
करुनिया गुरु घेऊनी आधारु
हरला अंधारू
नव्हताच ॥
कितीक साधूंच्या
गेलो जरी दारा
कोण असे खरा
कळेनाच ॥
पाहिले कुणाला
मानले आपला
बुडत्या आधारा
काडी जैसी ॥
पाच पन्नासाचा
कुठे हजाराचा
गुढ त्या मंत्राचा
भाव केला ॥
काढली लॉटरी
आत्मसाक्षात्कारी
सोडत ती परी
तया नाही ॥
विक्रांत बाजारी
घाली येरझारी
देव व्यवहारी
सापडेना ॥
एक मन असे
तुझ्या भांडवला
संताचा हा सल्ला
आठवला ॥
मग धरियले
दृढ श्री दत्ताला
धन्य जन्म झाला
एक मार्गी ॥
****
© डॉ.विक्रांत प्रभाकर तिकोणे
https://kavitesathikavita.blogspot.com
**********
कोणत्याही टिप्पण्‍या नाहीत:
टिप्पणी पोस्ट करा