गुरुवार, १८ मार्च, २०२१

दृढ धरियला


दृढ धरियला
*********
करुनिया गुरु 
घेऊनी आधारु 
हरला अंधारू 
नव्हताच ॥

कितीक साधूंच्या 
गेलो जरी दारा 
कोण असे खरा 
कळेनाच  ॥

पाहिले कुणाला 
मानले आपला 
बुडत्या आधारा 
काडी जैसी ॥

पाच पन्नासाचा 
कुठे हजाराचा 
गुढ त्या मंत्राचा 
भाव केला ॥

काढली लॉटरी 
आत्मसाक्षात्कारी
सोडत ती परी 
तया नाही ॥

विक्रांत बाजारी 
घाली येरझारी
देव व्यवहारी 
सापडेना ॥

एक मन असे 
तुझ्या भांडवला 
संताचा हा सल्ला
आठवला ॥

मग धरियले
दृढ श्री दत्ताला
धन्य जन्म झाला 
एक मार्गी ॥

****
© डॉ.विक्रांत प्रभाकर तिकोणे 
https://kavitesathikavita.blogspot.com 
**********

कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळ्यामधले  स्वप्ना  लंघुनी स्वप्न उरले ॥१ नभात लक्ष दीप उजळले  चांदण्याचे तोरण झाले ॥२ कणा...