*********
सुख वाटे किती किती पाहता श्री गणपती
आनंदाने पाणावती
झरतात नेत्रपाती ॥
सर्व सुखाचा हा दाता
सदा संभाळतो भक्ता
विघ्न कल्लोळी कैवारी
नेतो धरुनिया हाता ॥
चार दुर्वांकुरे तया
एक फुल जास्वंदाचे
भावभक्तीने वाहता
मानी ऋण त्या जीवाचे ॥
स्वामी सिद्धींचा सकळ
वाट पाहतो भक्तांची
रिद्धी अपार अनंत
वांच्छा तयास देण्याची ॥
दास दत्ताचा विक्रांत
तया ह्रदयी धरीतो
किती दिलेत हो स्वामी
कृपे अनंत नमितो॥
© डॉ.विक्रांत प्रभाकर तिकोणे
https://kavitesathikavita.blogspot.com
**********
कोणत्याही टिप्पण्‍या नाहीत:
टिप्पणी पोस्ट करा