गुरुवार, ९ जानेवारी, २०२०

शोधताना दत्ता





पडली ठिणगी
होऊ दे रे जाळ
अवघीच राळ 
अज्ञानाची ॥ १॥

कोण तू कुठला
आला रे जन्माला
भ्रम हा सगळा
सरू दे रे ॥ २॥

जन्माच्या आधीच्या
शोधतांना दत्ता
करू नको खंता
अस्तित्वाची ॥ ३॥

इंधन लाकूड
लाकडी इंधन
पेटण्याचा क्षण
दत्ता हाती ॥ ४॥.

विक्रांत जळाला
क्षणात जन्मला
जगणे काळाला
वाहीयले ॥ ५॥
**
©डॉ.विक्रांत प्रभाकर तिकोणे

कोणत्याही टिप्पण्‍या नाहीत:

टिप्पणी पोस्ट करा

लक्ष्य

लक्ष्य ***** माझी प्रकाशाची हाव  तुझ्या दारी घेई धाव  असे पतंग इवला  देई तव पदी ठाव  गर्द काळोख भोवती  जन्म खुणा न दिसती  आला कि...