कृष्ण
*****
यमुनेच्या तीरी
आला मोठा पूर
तयांमध्ये सुर
मारी कान्हा
कसा बाई वेडा
नंदाचा हा थोर
जीवा लावी घोर
सगळ्यांच्या
पाण्याचे ना भय
भय ना भयाचे
कंस चाणुरांचे
तया काही
पाणीयांच्या लाटा
हाती थोपावतो
थकतो ना येतो
माघारी तो
क्षणी ऐलतीरी
क्षणी पैलतीरी
सुंदर साजरी
मूर्त दिसे
पुरे कर आता
खेळ कौतुकाचा
ठाव काळजाचा
घेऊ नको
राहा रे समोर
सावळ्या सुंदर
डोळीयांचे घर
सोडू नको
विक्रांत किनारी
भयभित जरी
कृष्णा तुजवरी
भिस्त सारी
**
©डॉ.विक्रांत प्रभाकर तिकोणे
**
कोणत्याही टिप्पण्‍या नाहीत:
टिप्पणी पोस्ट करा