मी दत्त गाणे गातो

मी दत्त गाणे गातो
**************

मी दत्त गाणे गातो
मज दत्त शब्द देतो
मी काहीबाही लिहतो
तो अर्थ त्यात भरतो 

.

मी तया पदी नमतो
तो मजला चालवतो
मी रान गाण रचतो
तो वात झुळूक होतो 

,

ते रूप त्याचे पाहून
मी माझा न राहतो
देह भान हरवून
सुख सागरात न्हातो 

,

कृपा प्रसाद वर्षावी
हा जन्म कृतार्थ होतो
धन्य झालो स्वामी दत्ता
सुखे विक्रांत म्हणतो

,

डॉ.विक्रांत प्रभाकर तिकोणे
http://kavitesathikavita.blogspot.in