श्रीपाद गणेश
**********
आकाश प्रकाश
माझा देव गणेश
श्रीपाद वल्लभ
घेऊनिया वेष ॥
येई भादव्यात
चतुर्थीला थेट
मंगल सुखाची
करी लयलूट ॥
काय काय मागू
माझ्या दैवताला
जय लाभ तर
असती नखाला ॥
धन मान रूप
नको बाबा मला
सदा राहू दे रे
तुझिया पदाला ॥
बघू दे रूपाला
स्तवू दे गुणाला
ओठ करू देत
नाम गर्जनेला ॥
याहून अधिक
नच उरो चित्ता
म्हण रे तू बाप्पा
तुझा या विक्रांता ॥
(c) डॉ.विक्रांत प्रभाकर तिकोणे
https://kavitesathikavita.blogspot.in
कोणत्याही टिप्पण्या नाहीत:
टिप्पणी पोस्ट करा