***********
एक रोकडी भक्ती
देई दत्ता मजप्रती
सरू दे रे आसक्ती
संसाराची या ॥
मातीच्या या देहाची
उद्या माती व्हायची
काय माझ्या कामाची
तुझ्याविना रे ॥
पुरे हे वरवरचे
नाते बंध फुकाचे
कुठवर सांभाळायचे
दामाकामातले ॥
चार टके कुणी जोडले
त्यांचे डोके फिरले
नकोच वेड असले
लावू मजला ॥
सुटू दे रे पसारा
अर्थहीन खेळ सारा
जन्मो जन्मी चालला
चाळा असला ॥
मजवरती दत्ता
असो तुझी सत्ता
सांभाळ विक्रांता
दीनासी या ॥
**
(c) डॉ.विक्रांत प्रभाकर तिकोणे
https://kavitesathikavita.blogspot.com
कोणत्याही टिप्पण्या नाहीत:
टिप्पणी पोस्ट करा