कवितेसाठी कविता: वेडेपणा

सोमवार, ८ मे, २०१७

वेडेपणा
******

वेडेपणा माझ्यातला
मज येतसे दिसून
गाठ कुठल्या जन्माची
काही येतसे कळून

जन्म जन्मात हिंडता
कधी दुरावलो कुठे
असे भेटल्या वरती
वाट पाऊलात अडे

पुन्हा भेटलो अवेळी
भेट राहिली अधुरी
नव्या अतृप्त जन्माची
कडी आणिक जुळली

आता सुटावी बंधने
मन मनात गुंतून
ऋण कालचे जीवाचे
जरा जाऊ दे फिटून

तुझे हिशेब कसले
मज कळेना अजून
कर आतातरी सौदा
जन्म जाऊ दे वाहून

डॉ.विक्रांत प्रभाकर तिकोणे
http://kavitesathikavita.blogspot.in

कवितेसाठी कविता