रविवार, २१ मे, २०१७

जगत पसारा




कशाला मांडला
जगत पसारा   
जीवाला उदारा
चैन नाही ||

दु:खाच्या आगीत
जळती पाखरे
मनाचे निखारे
होती इथे ||

सुखाच्या कुशीत
कुणी मुठभर
त्यांचीही अंतर
काजळली ||

तरीही संपेना
सुखाची अपेक्षा
घुटमळे आशा
इंद्रियात ||

विक्रांत सांडेना
दु:ख साचलेले 
निरर्थ वेचले
हवेपण ||

कर कृपा अशी
दत्ता दयाघना
कळू दे जीवना
जगणे हे

एक आस तुझी
मज अवधूता
सांभाळशी भक्ता
हरवल्या  ||


डॉ. विक्रांत प्रभाकर तिकोणे





कोणत्याही टिप्पण्‍या नाहीत:

टिप्पणी पोस्ट करा

दुर्लभ

दुर्लभ ***** तुझी भक्ती दत्ता असे रे दुर्लभ  मोतीयाचा गर्भ शिंपी जैसा ॥१ ज्याची कुळवाडी असे देवभक्ती  सदाचार वृत्ती सर्वकाळ ॥२ ज...