कवितेसाठी कविता: आत्मराज

रविवार, २ ऑक्टोबर, २०१६

दत्त नाम घेता प्रेम दाटे उरी

सुख डोळ्यादारी ओघळते ||

जिवलग माझा जीवाचा तो जीव

स्वानंदाची ठेव आत्मराज ||

जन्म चालवितो संकटी रक्षितो

पाठीशी राहतो सदोदीत ||

मागीतल्यावीन दिधले अपार

जगण्याचे सार दावियले ||

तयाचा मी ऋणी आहे जन्मोजन्मी

काया ओवाळूनी टाकीयली ||

दयाळा कृपाळा विक्रांता सांभाळा

धरावे हाताला आजन्म या ||

डॉ विक्रांत प्रभाकर तिकोने
http://Kavitesathikavita.blogspot.in

कवितेसाठी कविता