कवितेसाठी कविता: सांभाळले बळे

शनिवार, ३० जानेवारी, २०१६

गाठी पडलेले वाहायचे गप

चहाचा कप

भुकेलेल्या ||

थिजले कातळ उगे युगोयुगी

अभिलाषा जागी

मृतिकेची ||

गंजली आयुधे दुबळ्या हातात

लादल्या युद्धात

हतवीर्य ||

चाले कसरत तरीही हातांची

भंगल्या मनाची

समजूत ||

घेई पदरात भिकेचे डोहाळे

सांभाळले बळे

दत्तात्रेया ||

विक्रांत प्रभाकर तिकोणे

http://kavitesathikavita.blogspot.in

कवितेसाठी कविता