शुभेच्छा

रोज भेटणाऱ्या मित्रांनो
क्वचित भेटणाऱ्या मित्रांनो
वर्षानुवर्ष न भेटणाऱ्या मित्रांनो
नवीन वर्षाच्या अनेक शुभेच्छा
मित्र कुठेही असोत
कसेही असोत
सदैव सुखात राहोत
हीच परमेश्वरा जवळ प्रार्थना
खरतर मित्रांच्या प्रेमान
इतका काठोकाठ भरलो आहे
की मित्रांना दयायला
स्वतः चा उरलोच नाही
तुमचेच आहे हे प्रेम
तुम्हाला देत आहे
माझ्यातले तुमचेपण इथे
व्यक्त होत आहे 

डॉ.विक्रांत तिकोने