शनिवार, १६ जानेवारी, २०१६

दत्त करणी





पाताळाची गंगा
आकाशी उसळे
उध्दरली कुळे
वणव्याची ||

दाटीवाटी होते
नाते जखडले
ठिणगीत झाले
एकरूप ||

उजेडी उजेड
गर्भ प्रकाशाचा
भ्रम तो तमाचा
मावळला ||

दाटला हुंकार
स्पंद पेशीतला
उठला मिटला
जगदाकार ||

पाहियेला डोळा
तरी मी आंधळा
विश्वाकार झाला
सानबिंदू  ||

दत्ता ऐसी केली
घडी आकाशाची  
विक्रांत नावाची
नाव नुरे ||


विक्रांत प्रभाकर तिकोणे
http://kavitesathikavita.blogspot.in/






कोणत्याही टिप्पण्‍या नाहीत:

टिप्पणी पोस्ट करा

दुर्लभ

दुर्लभ ***** तुझी भक्ती दत्ता असे रे दुर्लभ  मोतीयाचा गर्भ शिंपी जैसा ॥१ ज्याची कुळवाडी असे देवभक्ती  सदाचार वृत्ती सर्वकाळ ॥२ ज...