आज तुझ्या अस्तित्वाचा
गंध भोवती दरवळत होता
आणि त्या वेड्या प्रीतीला
बहर नव्याने येत होता
शिणलेली तू कष्ट ओढूनी
काळ अवसेचा हरवत नव्हता
आणि मी तुझ्यात मिटुनी
क्षण पापणीत ठरत नव्हता
कधी निवळला वादळ वात
देह मना जो कोंडत होता
अन हलक्या ओल्या सरीने
प्राण पुन्हा पालवत होता
पुढे काय ते मला न ठावे
नवस कधी मी केला नव्हता
तुझ्याच हाती दुनिया सारी
दुजा आधार मजला नव्हता
विक्रांत प्रभाकर
http://kavitesathikavita.blogspot.in/
कोणत्याही टिप्पण्‍या नाहीत:
टिप्पणी पोस्ट करा