सोमवार, १५ जून, २०१५

सुखासाठी पैसा





सुखासाठी इथल्या रे
पैक्याविन मार्ग नाही
बाप धनी मारवाडी
गुजराथी शेठ नाही

चिरीमिरी मध्ये आता
भाजीसुद्धा येत नाही
टोलनाक्यावाल्यांना त्या
कसलीच चिंता नाही

राजा लुटे धन मग
प्रधानास भीती नाही
सारे आम्ही निवडले
चोर दोषी मुळी नाही

अरे मी तो इवलासा
उंदीर तो चीज चोरी
असेल ते पाप जर
जावो माझ्या खात्यावरी

शेतामध्ये राबुनी ही
फास घेई शेतकरी
माथा भार जन्मभरी
भिकारीच कामकरी

दारिद्र्यात खितपत
जगणे ते नको मला
वाटेवरी सुखाच्या त्या
चालायचे आहे मला

वाटा इथल्या सुखाचा
हवाय इथेच मला
ओझे पापाचे ते राहो
माझ्या पुढल्या जन्माला

पुण्यवंता जोडू दे रे
सारे पुण्याचे ते साठे
माझे चलो बऱ्यापैकी
सुखी संसाराचे गाडे

 विक्रांत प्रभाकर
http://kavitesathikavita.blogspot.in/





कोणत्याही टिप्पण्‍या नाहीत:

टिप्पणी पोस्ट करा

लोभ

लोभ ****** फुटली उकळी  गाणे आले गळा  प्रेमे उजळला  गाभारा हा ॥ १ शब्द सुमनांनी  भरले ताटवे भ्रमराचे थवे  भावरूपी ॥ २ पसरला धूप  ...