तिने लग्न केले तर
सांग काय करशील ?
आडात जीव देशील
का झाडा लटकशील ?
तिचा जीव घेशील का
आम्ल अंगी फेकशील ?
प्रेमासाठी वाट्टेल ते
जगा या दाखवशील ?
सांगता न ये मनाची
काय उर्मी उसळेल
सूड क्रोध अपमान
अवहेलनी जळेल
मनावरी ताबा कुणा
आग होईल विझेल
पण सांगतो ऐक रे
ते तुझे प्रेम नसेल
हवेपणी हपापले
पशुत्व फक्त असेल
नरकाच्या नरकात
जगणे एक उरेल
विक्रांत प्रभाकर
http://kavitesathikavita.blogspot.in/
कोणत्याही टिप्पण्‍या नाहीत:
टिप्पणी पोस्ट करा