मनातील आशा मेली की
जगणे फार सोपे असते
कारण आता तुम्हाला
कसलीच भीती नसते
जशी भिकाऱ्याला
चोरीची भीती नसते
अथवा वेश्येला
अब्रूची भीती नसते
थोडक्यात घालवण्यासारखे
काही राहिलेले नसते
अन मिळविण्यासारखे
काही उरलेले नसते
तुझ्या प्रेमाबाबतही
मला असेच काही
होवून गेले आहे
ओल्या टिश्यूपेपरगत
जगणे झाले आहे
डस्टबिनचे माझे प्राक्तन
मी स्वीकारले आहे
विक्रांत प्रभाकर
कोणत्याही टिप्पण्या नाहीत:
टिप्पणी पोस्ट करा