मंगळवार, २१ ऑक्टोबर, २०१४

शब्द कुटले खलबत्यात




शब्द कुटले खलबत्यात
शब्द मिसळले मस्त मिठात
शब्द तळले लाल तिखटात
कविता झाली ||
बाकी जिभेला साहू द्यावे
पाणी घडाभर पिवू द्यावे  
बरे वाईट बोलू द्यावे 
अनुभूती ती ||
रे रसिका नकोस चिडू
राग कुणावरती काढू
कवितेची वा पाने फाडू
दे सोडूनी ते ||
वृत्तनगरी कुणी फिरावे
मुक्त छंदी वा भटकावे
ज्या हवे ते त्याने घ्यावे
तोटा नाही ||
ज्ञानोबाचे आम्ही भिकारी
ऋण तुकयाचे जन्मभरी
बाकी तुमची कृपा सारी
तुम्हामुळे मी ||

विक्रांत प्रभाकर

कोणत्याही टिप्पण्‍या नाहीत:

टिप्पणी पोस्ट करा

दुर्लभ

दुर्लभ ***** तुझी भक्ती दत्ता असे रे दुर्लभ  मोतीयाचा गर्भ शिंपी जैसा ॥१ ज्याची कुळवाडी असे देवभक्ती  सदाचार वृत्ती सर्वकाळ ॥२ ज...